ജാതി പറയിപ്പിക്കാനായി ഒരു ജീവത്യാഗം ...

എൻറെ പൊന്നു നൗഷാദെ ... എന്തിനു ഈ കടും കൈ ചെയ്തു? 

വിവര ദോഷികളെ  കൊണ്ട് ജാതിയും മതവും പറയിപ്പിക്കാനോ ? അതും "ഒരു ജാതി, ഒരു മതം, ഒരു ദൈവം മനുഷ്യന്" എന്ന് നമ്മെ പറഞ്ഞു പഠിപ്പിച്ച ശ്രീനാരായണഗുരുവിൻറെ പിന്തുടർച്ചക്കാർ എന്ന് സ്വയം അവകാശപ്പെടുന്നവരെകൊണ്ട്. അതിനെ താങ്ങി പിടിക്കാൻ കുറെ കാവിമുണ്ടെടുത്ത ആളുകളും .

ജീവിതത്തിൽ ഒരിക്കൽപ്പോലും കാണാത്ത , നേരിട്ട് ഒരുപരിചയവും ഇല്ലാത്ത , അതും രണ്ടു 'അന്യസംസ്ഥാന' സഹോദരതൊഴിലാളികളെ രക്ഷപെടുത്താനായി. ഒരു സംശയം മാത്രം ബാക്കി....

ആ മരണത്തിന്റെ കുഴിയിലേക്ക് ഇറങ്ങുന്നതിനു മുൻപ്  ആ സഹോദരന്മാരുടെ ദേശവും, ഭാഷയും, മതവും, ജാതിയും നിങ്ങൾ ചോദിച്ചറിഞ്ഞിരുന്നോ? ഉണ്ടാവില്ല. എനിക്കുറപ്പാണ്. കാരണം അത് ചോദിയ്ക്കാൻ മാത്രം ഉള്ള കരളുറപ്പ് നമ്മളെ പോലെയുള്ള മണ്ടന്മാർക്കു ഇല്ല എന്നതു  തന്നെ.

സ്വന്തം ജീവൻ പണയം വെച്ച് തനിക്കു ഇതുവരെ പരിചയമില്ലാത്ത രണ്ടാൾക്കാരെ രക്ഷപെടുത്താൻ തുനിഞ്ഞിറങ്ങി അവസാനം സ്വന്തം ജീവൻ  ത്യാഗം  ചെയ്യേണ്ടി വന്ന എന്റെ പൊന്ന്  നൌഷാദ്, നിങ്ങളോ അതോ നിങ്ങളുടെ മരണം മതത്തിന്റെ പേരില് ആഘോഷമാക്കിയ ഞങ്ങളോ വിഡ്ഢികൾ?

എന്തായാലും ഒന്ന് തറപ്പിച്ചു പറയാം....ജാതിയും മതവും പറയിപ്പിക്കാനായി വേണ്ടിയിരുന്നില്ല നിങ്ങളുടെ മരണം അല്ല ജീവത്യാഗം. 

നൌഷാദ് നിങ്ങൾ മരിക്കേണ്ടിയിരുന്നില്ല!!!

ആ കുഴിയിൽ നിങ്ങൾ ശ്വസിച്ച വിഷപ്പുകയേക്കാൾ വലിയ വിഷമാണ് ഇവിടെ വളർന്നു വരുന്ന വർഗീയ ചിന്തകൾ. അതിന്റെ പേരിൽ നിങ്ങളുടെ മരണം വികലമാക്കിയ ഞങ്ങളോട് താങ്കളുടെ ആത്മാവ് ക്ഷമിക്കട്ടെ....

മാപ്പ്...ഒരായിരം മാപ്പ്.

നിങ്ങളെയും നിങ്ങളെ കുടുംബത്തെയും   വേദനിപ്പിച്ച ഓരോരുത്തരുടെയും പേരിൽ.   

സമൂഹമേ ഉണരുക ... കണ്ണ് തുറക്കുക. കുറച്ചു വെളിച്ചം കയറട്ടെ !

 ആമിർ ഖാൻ , എ. ആർ. റഹ്മാൻ, ഷാരുഖ് ഖാൻ ഇവരൊക്കെയാണല്ലോ ഇപ്പോഴത്തെ സംസാര വിഷയങ്ങൾ.

ഞാൻ ഒന്ന് ചോദിച്ചോട്ടെ?

ഇവർ പറഞ്ഞപ്പോൾ മാത്രമെങ്ങിനെ ഇത്ര വിവാദമുണ്ടായത്? അത് തന്നെ ഏറ്റവും വലിയ തെളിവല്ലേ അവർ പറഞ്ഞതെല്ലാം സത്യമാണെന്ന്. 

മാസങ്ങള്ക്ക് മുമ്പ് ശ്രീമാൻ L.K. അദ്വാനി ഇതേ 'അസഹിഷ്ണുത' യെ കുറിച്ച് പറഞ്ഞപ്പോൾ,  ഇപ്പോൾ വാ തോരാതെ തെറി വിളിക്കുന്ന പൗരന്മാരെ ആരെയും കണ്ടില്ലല്ലോ . അപ്പോഴെന്തേ നിങ്ങളുടെ നാവിറങ്ങിപോയോ? അതോ...മുകളിൽ നിന്നും ഓർഡർ വന്നോ? അത് ഏറ്റെടുക്കേണ്ട  എന്നും പറഞ്ഞ്...

നിങ്ങൾ എത്രയൊക്കെ ഉറഞ്ഞു തുള്ളിയാലും   ഓരോ ദിവസം കഴിയുമ്പോഴും മതപരമായ അസഹിഷ്ണുതയെ കുറിച്ച് പുതിയ പുതിയ പ്രസ്താവനകൾ വരുന്നതും ഒരു കൂട്ടം ആളുകൾ അതിനെ പിന്താങ്ങുന്നതും അതിലും വലിയ ഒരു കൂട്ടം ആളുകൾ അതിനെ എതിർക്കുന്നതും ഈ പറയുന്ന 'അസഹിഷ്ണുത' ഇവിടെ ഈ ഇന്ത്യയിൽ വളർന്നു വരുന്നു എന്നതിന്റെ തെളിവാണ് . 

മതത്തിന്റെ പേരിൽ അസഹിഷ്ണുത വളർത്തുന്നവർ മനസ്സിലാക്കുക.  നിങ്ങൾ എതിർക്കുന്നത് മതത്തെയല്ല . ദൈവത്തെയാണ്. ഒന്നറിയുക. ജീവിതത്തിൽ വല്ലാതെ ഓടി തളർന്നു ദുർബലരാകുമ്പോൾ മനുഷ്യന്  ആശ്വാസം തേടാൻ ദൈവത്തോളം പോന്ന മറ്റൊന്നുമില്ല. ഈ സമൂഹത്തിൽ, ജീവിതത്തിന്റെ നെട്ടോട്ട പാച്ചിലിനിടയിൽ, വല്ലാതെ ഒറ്റപെട്ടു പോകുമ്പോൾ ആരെങ്കിലും ഒക്കെ ഉണ്ട് എന്ന് തോന്നിപ്പിക്കുന്നത് 'എനിക്ക് ദൈവമുണ്ട്' എന്ന ചിന്തയാണ്. ആ ദൈവത്തെ നിങ്ങളെ എന്ത് പേരിട്ടും വിളിച്ചോളൂ. പക്ഷെ അതാണ്‌ സത്യം. അതാണ്‌ ആ വികാരം. അത് ശരിക്കും ഉള്കൊണ്ടിട്ടുള്ള ആർക്കും ആ ദൈവത്തിന്റെ പേരിൽ അക്രമം നടത്താനോ അല്ലെങ്കിൽ അതിന്റെ  പേരിൽ ഒരാളെയോ ഒരു സമൂഹത്തിനെയോ അടച്ചാക്ഷേപിക്കാനോ കഴിയില്ല.

വിശ്വാസം ഓരോരുത്തരുടെയും വ്യക്തിപരമായ കാര്യമാണ്. എല്ലാ മതങ്ങളും, വിശ്വാസങ്ങളും, ജാതിയും, ഭാഷയും, സംസ്കാരവും തുല്യമായി സംരക്ഷിക്കപ്പെടണമെന്നും ആദരിക്കപ്പെടണമെന്നും  കരുതുന്നിടത്താണ് ഭാരതത്തിന്റെ  സഹിഷ്ണുത പൂർത്തിയാക്കപ്പെടുന്നത്.

 സമൂഹമേ ഉണരുക ... കണ്ണ് തുറക്കുക. കുറച്ചു വെളിച്ചം കയറട്ടെ !

----

Prime Minister of India Vs. Chief Minister of Kerala ::: Present & Future

This is actually from my debate in a Social Networking site. The debate was on the comment said by Rahul Gandhi during his election campaign in Kerala about the age of Kerala CM. (http://www.asianage.com/india/rahul-kerala-you-want-93-yr-old-cm-660)

In the debate somebody commented that PM couldn't even win in a self government election and he is almost similar age of CM of Kerala.


My Views :: 

Winning in a panchayath election is not a criteria especially when it come to a position like Prime Minister. Yes of course, he is leading a country where 121 crores of people are staying. In spite of this he should be educated with good sound of knowledge in Finance, Law, Environment, Foreign Affairs, Politics ; should have well manners, a professional, a good visionary, a good negotiator, honesty & integrity, truthfulness, ability to understand the people, a good motivator, a good decision maker etc.. Because he is the man who represents the whole country.

Dr Manmohan Singh, Prime Minister of India, since 2004, is one of the most honored Statesmen in the globe. He is known for his integrity, honesty, knowledge and intelligence in economic and financial matters.

Just see his Academic Qualifications :

1. Placed in first position in BA (Hons), Economics, Panjab University, Chandigarh, 1952

2. Placed in first position in MA (Economics), Panjab University, Chandigarh, 1954

3. Wright's Prize for distinguished performance at St John's College, Cambridge, 1955 and 1957

4. Wrenbury scholar, University of Cambridge, 1957;

5. DPhil (Oxford), DLitt (Honoris Causa); PhD thesis on India's export competitiveness

You count the above said factors in terms for our CM or CM candidates ( in LDF & UDF). How many of them are coming at least near 80%? I am sure not our present CM.

As I said earlier our CM was just a man who do not have any right to express in all aspect and by all means. Either he himself or his party stopped being a good CM. But end of the day the man who led the state for the last 5 years is responsible for anything and everything. During the announcement of candidates CM himself claimed that he became an old man and not possible to win one more election ( the story behind is still kept secret ). 

You can't blame Rahul Gandhi for this. Because he said the truth which our CM admitted before few days. 

Rahul Gandhi is a very prospective & deserving candidate to become the future Prime Minister of India. He is young, talented, got the right personality and lineage to represent our country in the world's foremost councils. Being a young blood he must be emerging with new ideas.

His past is not the question. The relevant question is what is he today at present. He is the man who influence the budding youngsters within the party to jointly rise beyond any barriers to deliver the country from poverty and communal forces. 

Yes, he still in the learning stage and that the reason he refused to accept any cabinet positions. Good sign is that he himself aware about what is he. He need to gain experience in life, politics, in statesmanship, leadership, and so many other things and has to climb many steps to aspire for top slots in Governance. I hope he knows it better than anyone else. He has a long way to go and I believe he will take any charge in cabinet once after having much experience in politics.

You agree or not Rahul Gandhi will be our next PM. Definitely he will lead this democratic country tomorrow.

The Glorious 30 years of my life.

ഇന്ന് 2010 December 10. എന്റെ ജന്മം ഈ ഭൂമിയില്‍ നിറവേറ്റപെട്ടിട്ടു ഇന്നേക്ക്‌ 30  ആണ്ടുകള്‍ കഴിഞ്ഞിരിക്കുന്നു. സൂര്യന്റെ പകല്‍വെളിച്ചവും ചന്ദ്രന്റെ നിലാവെളിച്ചവും എന്റെ കണ്ണിലൂടെ ഞാന്‍ കാണാന്‍ തുടങ്ങിയിട്ട് ഇന്നേക്ക് 30 വര്‍ഷങ്ങളാകുന്നു.

30 years ......  The Glorious 30 years of my life. 

സ്നേഹവും കാരുണ്യവും ദയയും ദേഷ്യവും വെറുപ്പും വിദ്വേഷവും വിരഹവും എല്ലാം ഇടകലര്‍ന്നനുഭവിക്കേണ്ടിവന്ന മുപ്പതു സംവത്സരങ്ങള്‍. 

ഒരുപാടു പേരോട് നന്ദിയുണ്ട്. പറയാനും പ്രകടിപ്പിക്കാനും ഇനിയും എനിക്കൊരു അവസരം വരും എന്ന് കരുതി മനപ്പൂര്‍വം ഞാന്‍ മാറ്റിവെക്കുന്നു. പക്ഷെ പറയാതിരിക്കാന്‍ പറ്റാത്ത കുറെ പേരുണ്ട്. എന്റെ പ്രിയപ്പെട്ട സ്നേഹനിധികളായ മമ്മിയും പപ്പയും, എന്റെ സ്വന്തം സഹോദരി, സഹോദരിയുടെ കുടുംബം, എന്റെ മറ്റു കുടുംബാംഗങ്ങള്‍, എന്റെ സുഹൃത്തുക്കള്‍. എല്ലാറ്റിനും ഉപരിയായി എന്റെ പ്രിയപ്പെട്ട സ്നേഹനിധിയായ ഭാര്യ , പിന്നെ എന്റെ സ്വന്തം മിയകുട്ടി. 

It feels weird to say that "I'm 30 years old". It's a good feeling ..even though... it is just an interval period of my life. Well, so far I'm very pleased with where I am at the moment and the direction I'm currently headed in. 

കഴിഞ്ഞ 30 വര്‍ഷങ്ങളിലെ എന്റെ നേട്ടങ്ങളിലെക്കും കോട്ടങ്ങളിലെക്കും തിരിഞ്ഞുനോക്കി സ്വയം ഒരു ചോദ്യം ചോദിയ്ക്കാന്‍ ഞാന്‍ തുനിയുന്നു. "ഇനി എവിടേക്ക്?"

അനന്തമായ എന്റെ പ്രതീക്ഷകളെ വഴിമാറ്റികൊണ്ട്,  എനിക്ക് മുമ്പില്‍ ഒരു മറ തീര്‍ത്തു കാലം കടന്നു പോകുമ്പോള്‍ , കൈവിട്ടു പോയ എന്റെ സ്വപ്നങ്ങള്‍ക്കും പ്രതീക്ഷകള്‍ക്കും ഇനി ഒരു പ്രസക്തിയും ഇല്ലെന്നു  വേദനയോടെ ഞാനറിയുന്നു.  

 

ഇലകള്‍ കൊഴിഞ്ഞ മരത്തിലെ ചില്ലകളിലേക്ക്‌ നോക്കി,  ഇനി വരാനിരിക്കുന്ന വസന്തകാലത്തിന്റെ പ്രതീക്ഷകളുമായി നില്‍ക്കുന്ന ഒരു കൊച്ചു കുഞ്ഞിനെ പോലെ ഞാനും എന്റെ ജീവിതത്തില്‍ തളിരിടാന്‍ നില്‍ക്കുന്ന പുതിയ നാമ്പുകളെ തേടി പ്രതീക്ഷയോടെ കാത്തിരിക്കുന്നു.  പലപ്പോഴും എന്റെ വാക്കുകളെ , എന്റെ ചെയ്തികളെ എനിക്കുപോലും അറിയാത്ത അര്‍ത്ഥതലങ്ങളിലെത്തിച്ച കാലം നാളെ എന്റെ പ്രതീക്ഷകള്‍ക്കും സ്വപ്നങ്ങള്‍ക്കും ഒരു പുതിയ വ്യാഖ്യാനം നല്കിയേക്കാം.

ജീവിതത്തിന്റെ ഏറ്റവും ദുര്‍ഘടമായ സമയത്തിലൂടെ കടന്നുപോകുമ്പോഴാണ് ഓരോ മനുഷ്യനും സ്വയം തിരിച്ചറിയുന്നത്‌. ഇങ്ങനെയുള്ള തിരിച്ചറിവിന് വേണ്ടിയാണോ ദൈവം മനുഷ്യനെ ഓരോ വ്യത്യസ്ത ജീവിതാവസ്ഥകളിലൂടെ കൊണ്ടുപോകുന്നത് എന്ന് പോലും ഞാന്‍ സംശയിക്കുന്നു.

ഇത്തരത്തിലുള്ള തിരിച്ചറിവുകളില്‍ നിന്നാണ് സ്വന്തം കഴിവുകളും കഴിവുകേടുകളും പരിമിതികളും എല്ലാറ്റിലും ഉപരിയായി  സ്വന്തം നന്മയും ഓരോരുത്തരും മനസ്സിലാക്കുന്നത്‌. അവനവന്റെ ദൌര്‍ഭല്യങ്ങളെ കഴിവുകളാക്കി മാറ്റുകയും, പരിമിതികളെ തുടച്ചു നീക്കി പുറത്തു ചാടുകയും ഒപ്പം തനിക്കു ഉള്ള കഴിവുകളെ ശക്തിയാക്കി മാറ്റുകയും  ചെയ്യുമ്പോഴാണ് നാം ഓരോരുത്തരും ജീവിതവിജയത്തിന്റെ പടവുകള്‍ കയറുന്നത്.

വിജയത്തിന്റെ ഓരോ പടി കയറുമ്പോഴും മറ്റാരേക്കാളും മുമ്പേ സ്വയം അഭിനന്ദിക്കാന്‍ നാം ഓരോരുത്തരും പഠിക്കേണ്ടിയിരിക്കുന്നു. അതുപോലെ അറിഞ്ഞോ അറിയാതെയോ തെറ്റ് സംഭവിച്ചാല്‍ എത്രയും പെട്ടെന്ന് അത് തിരുത്തി സ്വയം വിമര്‍ശനത്തിനും നാം തയ്യാറാവണം. ഇതും വിജയത്തിലേക്കുള്ള ഒരു ചൂണ്ടുപലകയാണ്. 

ഇതെല്ലാം വേണം. ഇല്ലെങ്ങില്‍ , ജീവിതം നമ്മെക്കാള്‍ വേഗത്തില്‍ മുമ്പോട്ടു പോകും. നാം പുറകിലും. 

Our thoughts and our life are our own assets. Success comes when we handle it smartly. 

സ്വപ്നകണ്ണാടി

സ്വപ്നം മനസ്സിലുള്ള അടങ്ങാത്ത മോഹങ്ങളുടെ കണ്ണാടിയാണെന്ന  സത്യം ഞാന്‍ തിരിച്ചറിയാന്‍ തുടങ്ങിയിരിക്കുന്നു.

ഒരുപാട് പ്രതീക്ഷകള്‍, ഒരുപാട് മോഹങ്ങള്‍, ഒരുപാട് സ്വപ്‌നങ്ങള്‍ ഇവയെല്ലാം നിറഞ്ഞതായിരുന്നു എന്‍റെ ജീവിതം. പക്ഷെ ഇടക്കെപ്പോഴോ കാലിടരിപോയോ എന്ന സംശയം മാത്രം ബാക്കി. മറ്റുള്ളവരുടെ പ്രതീക്ഷകള്‍ക്കൊപ്പം  ഉയരുന്നതാണോ അതോ  നമ്മുടെ സ്വപ്നങ്ങള്‍ക്കും മോഹങ്ങള്‍ക്കും ഒപ്പം  ജീവിതം മാറ്റപെടുന്നതാണോ വിജയം നിര്‍ണയിക്കപെടുന്നത്? അറിയില്ല.... ഒരു പക്ഷെ ഈ ചോദ്യത്തിന് ഉത്തരം അറിയാമായിരുന്നെങ്ങില്‍ എനിക്കൊപ്പം നിങ്ങള്‍ക്കും കഴിഞ്ഞുപോയ കാലത്തിലെ  കുറെ മുഹൂര്‍ത്തങ്ങളെ മാറ്റി എഴുതാമായിരുന്നേനെ...

ജീവിതത്തില്‍ വളരെ അധികം ആഗ്രഹിച്ചു, അതും സ്വന്തം പരിമിതികള്‍കുള്ളില്‍ നിന്ന് മാത്രം ..... എന്നാല്‍ അവയെല്ലാം എത്ര ചെറുതായിരുന്നു. വല്ലാതെ ദുഖിക്കുമ്പോള്‍ സ്വയം മനസ്സിനോട് പറയുമായിരുന്നു.....എല്ലാ കാലവും വേനലല്ലെന്നും ... എല്ലാ ക്കാലവും വസന്തമല്ലെന്നും....ആ സമയത്ത് തകര്‍ത്തു പെയ്യുന്ന ഓരോ മഴത്തുള്ളിക്കും ഒരു പകല്‍ നോവിന്‍റെ നൊമ്പരമുണ്ടായിരുന്നു... നഷ്ടങ്ങളുടെ, വിരഹത്തിന്‍റെ നൊമ്പരം.

പുരുഷനായി ജനിച്ചത്‌ കൊണ്ട് ഹൃദയം തകരുമ്പോള്‍ പോലും മനസ്സ് തുറന്നൊന്നു പൊട്ടികരയാന്‍  പോലും കഴിയുനില്ലല്ലോ. എല്ലാം വിങ്ങുന്ന ഹൃദയവുമായി ഓര്‍ക്കാന്‍ മാത്രം കഴിയുന്നു. പക്ഷെ കാലത്തിന്‍റെ നേരിയ മറകള്‍ക്ക് കാലപ്പഴക്കം കൊണ്ട് സുതാര്യത നഷ്ട്ടപെട്ടിരിക്കുന്നു. 

എങ്കിലും നഷ്ടസ്വപ്നങ്ങളുടെ മിഴിനീരുമായി...നിറമണിഞ്ഞ ഒരു വസന്തത്തിനായി എന്‍റെ കാത്തിരിപ്പ്‌ തുടരുന്നു.. പ്രതീക്ഷയോടെ..